Mikel Irujo, Nafarroako Gobernuko Garapen Ekonomiko eta Enpresarialeko kontseilariak Hidrorubber enpresaren Alkaiagako egoitza bisitatu du. Enpresa horrek kautxuzko pieza kritikoak lantzen ditu automobilgintzaren sektorerako. Bertan hartu du Jon Angulok, konpainiako zuzendari nagusiak, eta Nafarroako lantegian egiten duten lana erakutsi dio, hamarkada bat baitarama Lean metodologia aplikatzen bere ekoizpen-prozesuan.
Hidrorubber enpresak kautxuzko pieza kritikoak egiten ditu automobilgintzarako. Alkaiagan dago, eta, gainera, ekoizpen-instalazio bat du Italian eta biltegi bat Estatu Batuetan. Guztira 17 milioi euro fakturatu zituen iaz eta aurten 24 milioira ailegatzea espero du (salmenten % 90 esportatzen du) eta 90 langile ditu.
Industriaren eta zerbitzuen sektorean eredu inklusibo parte-hartzailea aitortzen duen Nafarroako I. Arizmendiarrieta Saria irabazi zuen iaz Hidrorubber enpresak.