Nafarroako emakumezkoen lokotx biltze txapelketan hiru kirolari lehiatuko dira: Eltsoko Ainhoa Iraizoz, Berako Ainhoa Etxegarai eta Iturengo Maika Ariztegi. Berrogeita hamarna lokotx bildu beharko dituzte.
Nafarroako gizonezkoen bigarren mailako aizkora txapelketaren kanporaketari dagokionez, hamaika aizkolari ariko dira lehian, bi kanaerdiko eta 60 ontzako bat nork lehenago moztu. Irailaren 18an Uharten jokatuko den finalerako bortz txartel izanen dituzte jokoan. Zubietako Mikel Indakotxea eta Patxi Mindegia, Beintza-Labaiengo Jon Telletxea eta Jesus Etxeberria eta Berako Oier Larretxea izanen dira eskualdeko aizkolariak eta beraiekin batera, Iban Resano, Xuban Kañamares, Goizeder Belza, Emilio Garcia, Iker Gorriti eta Josu Santamaria ere lehiatuko dira.