Joseba Larralde eta Naiara Irigoien nagusitu dira Berako VIII. Gau Lasterketan

Joseba Larralde, Guillaume Levoy eta Ibon Erdozainen artean, Berako VIII. Gau Krosaren gizonezkoen podiumean.

Kuadrilla arteko lehian Anttonkaxkuk izan da onena.

 

oseba Larralde beratarra eta Iruñeko Naiara Irigoien nagusitu dira bart gauean egindako Berako VIII. Gau Lasterketan. 7 kilometro eta erdiko ibibide berria egitekop 29 minutu eta segundo bat behar izan zituen Larraldek, bigarren izan zen Baionako Guillaume Levoyk baino 26 guttiago eta Eztakit kuadrillako Ibon Erdozain beratarra hirugarren izan zen. Hain zuzen, Eztakit izan zen Berako kuadrilla arteko lehian onena. Emakumezkoetan, Naiara Irigoienek 33 minutu eta 12 segundo behar izan zituen eta bi korrikalari beratarrek osatu zuten podiuma: Eztakit kuadrillako Ane Eltzaurdia bigarren izan zen (35.33) eta Erori arte kuadrillako Ainhoa Etxegarai hirugarren (36.55). Denera 143 korrikalarik bukatu zuten proba. Ikusi sailkapen osoa

Emakumeen podiumean, Iruñeko Naiara Irigoien, Ane Eltzaurdia eta Ainhoa Etxegarai beratarren artean.

 

Ibilbide berria

DGTren debekuaren ondorioz, ibilbide berria antolatu behar izan zuen Manttale Mendi Lasterketa taldeak, 7 kilometro eta erdikoa: Merkatu plaza (irteera), Hegoalde kalea, Kanttonzabal kalea, Illekueta kalea, Pío Baroja pasalekua, Sarro, Suspela kalea, Matzada, Ugalzubia kalea, Julio Caro Baroja pasalekua, Kaxerna kalea, Garmendiko borda, Mitxinborda, Egurregi, Garaikoetxeko Borda, Sarro, Illekueta kalea, Merkatu plaza (helmuga).

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun