Uda giroa

Alkaiagako bestak ospatuko dituzte larunbatean hasi eta astelehena bitartean

Alkaiaga Trail lasterketaren XI. edizioa jokatuko dute, eta baita haurren lasterketa ere

Bertzeak bertze lasterketa, pilota partidak eta plaza berriaren inaugurazioa eginen dituzte. 

Larunbat arratsaldean hasiko dira bestak 17:30ean eginen duten haurren lasterketarekin. Ondotik, 18:00etan Alkaiaga Trailen XI. edizioa jokatuko dute. Lasterketak bukatuta 20:00etan altxaferoa botako dute, eta auzoko plaza berriaren inaugurazioa eginen dute. Eguna bukatzeko, aldiz, 21:00etan auzo afaria izanen da. 

Uztailak 24, igandea, 11:00etan auzoko pilotalekuan pilota partidak jokatuko dituzte. Ondotik, 14:00etan auzo bazkaria eta musika izanen dute Aitorrekin. 

Bestekin bukatzeko, astelehenean, Santiago egunez 12:30ean auzoko meza izanen dute. 

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun