Aurten bai. Bi urtez ospatu ezinik egon ondotik, herriko sanmigel bestak ailegatzen ari zaizkigu, herritarrak gogotsu sumatzen dira, eta honekin batera ari da besta batzordea besten antolaketa lanetan, egitarauko ekitaldiak lotzen poliki-poliki. Honen harira, aipatzekoa da bestetako kartel lehiaketa martxan dela dagoeneko.
Lanak aurkezteko zenbait baldintza bete beharko dira. Hasteko, marrazkiekin edo argazkiekin egiteko aukera izanen da, baina hori bai, 27x19 zentimetroko neurria izan beharko du. Kartelean, derrigorrez Igantzi. Sanmigelak 2022 esaldia agertu beharko du.
150 euroko saria
Lanak udaletxean aurkezteko epea uztailaren 20tik agorrilaren 20ra zabalik dago. Parte-hartzaileak Igantzin jaioak edo bertan bizi direnak izan beharko dute eta parte-hartzaile bakoitzak nahi adina lan aurkezten ahal ditu. 150 euroko saria izanen da lehiaketaren irabazlearentzat.
Informazio osoa herriko whatsapp taldean eta buletinean izanen da. Anima zaitezte!