Lesakako XIX. Rallysprinta uztailaren 23an, larunbatean eginen dute, Ziharka Sport eskuderiak antolatua. 9,3 kilometroko proba izanen da, lau txandetan eginen direnak, Lesaka-San Anton bi eta San Anton-Lesaka bertze bitan, denera 37,2 kilometro.
Donazioak ANELAren alde
Aurtengo rallya aski berezia izanen da hiru pertsonentzat. Izan ere, ANELAren alde uztailaren 4an egindako zozketa solidarioan kopilotu izateko aukera izanen dute. Honela, Alkaiagako Patricia Izquierdo Iñaki Zozaiaren Porsche 911 GT3 autoan izanen da kopilotu; Itxaso Etxabide lesakarra Joseba Beolaren Mitsubishi Lancer Evo X autoan izanen da laguntzaile eta Donamariako Ainhoa Arrieta Iñigo Alustizaren Peugeot 208 R2an joanen da kopilotu.
Oraindik ere, karrera egunera bitarte bada dohaintza egiteko aukera, 687 957 083 zenbakira bizum-a eginda, «donazio» hitzarekin.