82 mutiko horietatik, Beti Gazteren harrobiko hamalau jokalari badira: Oier Arruabarrena Irurzun, Enaitz Bereau Irigoien, Adur Erkizia Arburua, Markel Iratzoki Agirre, Ekaitz Irazoki Mendizabal, Kemen Mitxelena Zubieta, Danel Urtxegi Urra, Beñat Criado Arruabarrena, Unai Aranguren Mutuberria, Oinatz Aiestaran Eizmendi, Oier Sanchez Elisalt, Jon Semper Irastorza, Unai Olaetxea Etxeberria eta Oier Tapia Iturria. Monitore lanetan ere bertze lesakar bat ari da, Antton Petrirena Apeztegia. Baina Nafarroa osotik ez ezik, Gipuzkoa, Araba eta Aragoitik etorritakoak ere badira.
Arduradunek eskerrak eman dizkiete aurten ere bai Lesakako udalari, baita Beti Gazte elkarteari ere, ematen dituzten erraztasunengatik. Berez Erriberako Eskolak gauzatutakoa izanik, Cabanillas, Lodosa, Gares eta Beiren eginkatu dute hasieran, baina hogei urte hauetan Lesakan laketu dutela onartu dute. Ohikoa denez, futbolean trebatzeaz gain, aisialdirako ekintzak ere egiten dituzte, hondartzara edo mendira joanez, etab… Larunbat eguerdian Harriondoan eginen dute itxiera ekitaldia.
Heldu den astean, 9 eta 11 urte arteko 56 haur etorriko dira.