Final erdietako itzuilerakoan ez zen ezustekorik izan eta joanekoak garaile izandako taldeek berriz ere irabazi egin zuten. Joanekoak lehia estua izan zuten Irurita Olarik eta Arraioz Sagardiak (8-9), baina Arraiozen erraz nagusitu ziren etxekoak (9-1). Bertze hiru partidetan nahiko bideratua utzia zuten irabazleek finalerdietarako txartela eta itzulerakoan hori berretsi bertzerik ez zuten egin. Irurita Migelenek 9-5 irabazi zion Arraioz Zubiondoari (4-9); Doneztebe The Moment taldeak 9-4 irabazi zion Doneztebe Apeztegiari eta joanekoan ere emaitza berbera izan zuten eta Oizek 3-9 irabazi zion Doneztebe Ameztiari (Oizen 9-4 irabazi zuten).
Gisa honetara, finalerdietan Irurita Migelene Oizen kontra eta Arraioz Sagardia Doneztebe The Moment taldearen kontra ariko dira.