2021etik, Gure Mendia deituriko lan taldea martxan da, eta lan talde horren ondorio da orain sortu dena. Urruña, Azkaine, Biriatu, Ziburu, Sara, Senpere, Ainhoa eta Baztanekin batera lantzen ari dira
Diagnostikoa eraikitzeko lehen urratsa, lurraldearen inbentario orokor bat egitea izango da, deskribapena, erronkak eta arazoak aztertuz. Horretarako, mendietako artzain eta abeltzainei egingo zaizkie inkestak beren erabilerak, beharrak, artzaintza-abeltzaintza erabileraren mailak eta motak zehaztu eta zerrendatzeko. Halaber, mendiaren bertze erabiltzaileak ere elkarrizketatuko dituzte: basozainak, ehiztariak, aisialdia mendian egiten dutenak...
Larhun eta Xoldokogaina eremuko artzaintza-erabileraren mapa kolektiboa izanen da lanaren emaitza. Halaber, abeltzainen behar eta mugen azterketa eta erronken irakurketa komuna eta espezializatua ere eginen dute: larreetan aritzeko eremuak, mugaz gaindiko azpiegituren proiektuak (ur-hornidura,), trafiko handia dela eta saihestu beharreko eremuak eta suteen prebentzioan sinergiak bultzatu behar diren eremuak.
Ekainaren 1ean hasi ziren proiektua lantzen, eta 2022ko urriaren 23a arte luzatuko da.