Ikasturte honetako entrenamenduak atzo borobildu zituen Bortziriak pilota elkarteak. Berako Eztegara pilotalekuan elkarrekin jokoak egin zituzten eta ondotik merienda. Irailean hasiko dituzte berriz entrenamenduak, baina hori baino lehen bi hitzordu nagusi dituzte: Uztailaren 16an Bortzirietako Binakako Txapelketako finalak jokatuko dituzte eta larunbat honetan, Herriarteko Txapelketako ttikien mailako finaletan Berak eta Doneztebek jokatuko dute. Argazkia: Amaia Apaolaza.
Herriarteko Txapelketak larunbatean, uztailaren 2an, Iruñeko Labrit pilotalekuan jokatuko dituzte, 11:00etan hasita.
Ttikietan, hau da, umeen, kimuen eta haurren mailetan, Doneztebe eta Bera ariko dira nor baino nor. Handietan, berriz, kadeteen, gazteen eta helduen mailetan, Baztanek Larraun izanen du kontrario.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.