Lau urte eta gero (2018an egin zen hamalaugarren edizioa eta 2020an egitea egokitzen zen) Lesakako Mendi Itzulia hamabosgarren urtez antolatu du Beti Gazte elkarteak, Lesakako Udalaren eta Mendi eta eskalada Kirolen Nafarroako Federazioaren laguntzaz. Ekainaren 12an, igande goizeko 7:00etatik 7:30era abiatuko dira mendizaleak plazatik eta bi ibilbide izanen dituzte aukeran.
Laburrena, 22,9 kilometro luze eta 1.415 metroko desnibela duena, plazatik abiatu eta Amargun, Alasta, Illasmendi, Agiña, Elutxa, Pagolleta eta Sastrin barna jautsiko da herrira, berriz ere plazan helmugaratzeko.
Luzeenak, 30,2 kilometro luze eta 1.825 metro desnibela duenak, ibilbide beretsua izanen du Elutxa bitarte, baina Elutxatik Artikutzara jautsi eta Izurrietako lepoan eta Akemarrungo atakan barna ibilbide laburrarekin bat eginen du Pagolletako gainean.
Izen ematea egin daiteke www.mendizmendi.com webgunean egin daiteke ekainaren 10era, ortziralera bitarte.