Elkarren kontra hiru partida jokatu zituzten hiru taldeek, eta gipuzkoarrek irabazi zuten torneoa. Bigarren postua eskuratu zuen Osasunak eta hirugarrena Baztan-Bidasoko jokalariek osaturiko taldeak.
Realeko jokalari ohi Mikel Loinazek eman zion saria selekzioari, Bixio Gorriz Realeko jokalari ohiak Osasunari, eta Genaro eta Unai Zelaietaren alaba eta arreba Iratxek Zelaietak txapeldunari garaikurra. Era berean, Realak oroigarria eman zion Zelaietari.
Genaro Zelaieta eta Unai Zelaieta Realeko jokalari ohiak omentzeko helburuz antolatu dute txapelketa, eta baita Bortzirietako Guztiok taldearen alde dirua biltzeko ere. Hain zuzen, azken asteetan hainbat lekutan saldu dituzte txartelak, eta atzo egin zuten zozketa. Irudi honetan ikus daitezke zein diren zenbaki sarituak:
Saridunek hilabeteko epea izanen dute sariak hartzeko.