«Gure esku dagoena antolatu eta egin ahal izateko, lana gogoz» eginen dutela adierazi dute gazte asanbladako kideek, baina laguntza eskatu dute eta horretarako antolatu dituzte pilota eta frontenis txapelketak. Herritarrei eta herritik kanpokoei egin diete animatzeko deia, «Arantza Rocken alde eman dezagun pilotakada».
Pilota txapelketa
Pilota txapelketa ekainaren 11n, larunbatarekin, eginen dute, Arantzako frontoian. Binaka jokatuko dute eta izena ekainaren 2rako eman beharko da. Bikoteko zortzi euro ordaindu beharko dira eta esku dirutan edo Bizum bidez egiten ahal izanen da ordainketa. Interesatuek 611 43 72 53 telefonora idatzi beharko dute.
Frontenis txapelketa
Frontenis txapelketa, berriz, abuztuaren 5ean eginen dute, Arantzako frontoian, eta izena uztailaren 2a baino lehen eman beharko da. Hau ere bikoteka izanen da eta bikoteko zortzi euro ordaindu beharko dira. Kasu honetan ere, esku dirutan edo Bizum bidez egiten ahal izanen da ordainketa eta parte hartu nahi dutenek 689 13 50 27 telefonora deitu beharko dute.