Gogoratu nahi dute xulufrinak galtzeko arriskuan dauden loreak direla, babestuak daudenak, eta, beraz, horiek usaindu, ikusi, baina ez hartzeko eskatzen diete herritarrei, «ez ipurditik aterata ezta moztuta ere (horrela ere kaltetzen dira), kontserbatu beharreko gure natur ondarearen parte baitira».
Datozen ekitaldiak
Udaberriko Agenda Feministaren barrenean, ekitaldi gehiago ere antolatu ditu Lesakako Xulufrinak Sare feministak. Ekainaren 5ean, M: ama*, eme*, ume* liburua aurkeztuko dute Erika Lagoma Pombar eta Estitxu Fernandez Maritxalar lesakarrek, 18:00etan udaletxeko pleno aretoan.
Ekainaren 16tik uztailaren 3ra, azkenik, Lumineszenteak, emakumeen aurkako indarkeria ikusezinak, eta erresilientzia historia zenbait erakusketa ikusgai paratuko dute Harriondoa kultur etxeko komentuan. Irantzu Pastor herriko argazkilariaren eta Igone Mariezkurrena kazetariaren proiektua da Lumineszenteak.