Antton Ciriza Saragueta, Beñat Astiz Isasi, Eki Mateorena Zozaia (Leitza), Larraitz Goikoetxea Zuriarrain, Manex Leone Baraibar, Olatz Bados Ganuza eta Xabier Elizalde Soto bertsolariak ariko dira kantuan. Lehenengo fasean zazpi bertsolariak ariko dira kantuan, eta lehen bi sailkatuek buruz burukoa jokatu beharko dute ondoren:
1. fasea
- Lau oinak emanda bertso bana osatu (zortziko txikia).
- Bukaera emanda bertso bana osatu (zortziko handia).
- Hitza gaitzat hartua bertso bana osatu (libre).
- Gai orokorra emanda, gehienez 5 puntuko bertso bana osatu.
2. Fasea: Sailkatutako bi bertsolari
- Zortziko handian, ofizioka, bina bertso.
- Kartzelako lana
- Puntu bati erantzunez bertso bat.
- Gaia emanda bertso bat.
Larunbateko txapelduna, eta txapeldun ordea Abadiñon jokatuko den Euskal Herriko Eskolarteko txapelketako finalera sailkatuko dira.
Eskolarteko finala ez da Arantzan bertsolaritzarekin lotutako ekintza bakarra izanen. Nafarroako bertso eskolen asteburua ospatuko dute asteburuan , eta bertan elkartuko dira Nafarroako bertso eskoletako haurrak elkar ezagutu eta saretzeko.