Inbertsioaren xehetasunak
Asfaltoarekin edo hormigoiarekin bideko zuloak eta arraildurak tapatzen eta beharrezkoa den tokietan pendoitzak indartzen 246.704 euro inbertituko ditu udalak bere diruetatik. Proiektu honek, zehazki, honako gastu-banaketa du:
| Urritzokieta | 61.181 € |
| Larrapil-Sarriku | 19.119 € |
| Lurriztiederra | 45.621 € |
| Lakain-Apezborro | 67.361 € |
| Gorosurreta | 32.416 € |
| Herriko saihesbidea | 4.280 € |
| Proiektua egiteko ingeniaritza | 8.363 € |
| Proiekturen zuzendaritza | 8.363 € |
| DENETARA | 246.704 € |
Zugarramurdi eta Baztan aldeko bidea moldatzeko dirulaguntzaren zain
Bide horrek izaera berezia duenez, iaz udalak dirulaguntza eskatu zion propio Nafarroako Gobernuari eta momentu honetan jakinarazpena hartzeko esperoan daude. Denetara 102.000 euro inguruko inbertsioa aurreikusita dago Urtsumiats arte mantentze-lanak egiteko eta diru horretatik % 60 (61.200 € inguru) Nafarroako Gobernuak finantzatuko luke eta gainerako Etxalarko udalak.