Maiatzaren 7an jokatu zen Azuqueca de Henaresen (Guadalajara) eta Lesaka Trialeko hiru ordezkari izan ziren
Maiatzaren 7an, larunbatean jokatu zen Azuqueca de Henaresen (Guadalajara) Espainiako Kopa trial txapelketako hirugarren proba. Lesakako trial taldeko hiru txirrindulari joan ziren eta zirkuitu tekniko baina polita izan zuten lanerako. Emaitzarik aipagarriena Uxuri Portuk lortu zuen, lehena izan baitzen bere kategorian, 7 eta 9 urte arteko nesketan. Xabier Valverde hamargarren izan zen eta Goiuri Urra hamaikagarren, biek infantil mailan.
Hiruek lan bikaina egin zuten eta hurrengo proba igande honetan izanen dute, maiatzak 15, Lizarran jokatuko den Nafarroako txapelketan. Ondotik, Espainiako Kopako bertze bi proba geldituko dira: ekainaren 11n Guadalix de la Sierran (Madril) eta urriaren 15ean Lizarran.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.