Ageri denez, ezbeharra eguerdiko ordu batak aldera gertatu zen. Biktima American Stafford arrazako zakurraren jabea da, 19 urteko emakumezkoa.
Foruzaingoaren patruilarekin batera, Lesakako osasun etxeko osagile talde bat eta anbulantzia bat bertaratu ziren, hasiera batean ezbeharra Lesakako dermioan gertatu zela jakinarazi baitzieten. Zauritutako emakumea artatu eta berehala Bidasoko Ospitalera eraman zuten anbulantzian. Igande arratsaldean bertan eman zioten alta.