Oihan Telletxea futbolari igantziarrak euskal selekzioarekin debutatuko du

Oihan Telletxea igantziarra, euskal selekzioaren kamisetarekin.

Euskal Selekzioak Oihan Telletxea Sein Igantziko futbolari gaztetxoa deitu du 14 urtez beheitiko Espainiako futbol txapelketan parte hartzera. Txapelketa apirilaren 30etik maiatzaren 1era jokatuko da eta lehenbiziko fasea Murtzia, Kantabria eta Kanariar Uharteen kontra jokatuko du euskal selekzioak Santanderren (Kantabria).

Lesakako Beti Gazte futbol taldean ari zela, joan den urteko maiatzean Promises ligan egin zuen debuta Oihan Telletxea igantziarrak Donostiako Real Sociedad taldearekin eta talde honetako infantil mailan ari da 2021-2022 denboraldian. Ongi ari gainera, ageri denez. Zorionak!

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun