Gehienak herria eta eskualdea ezagutzera etortzen dira eta turismo bulegoan honi buruzko informazioa jasotzen dute. Mendiko txangoetan, Bidasoko Bide Berdean eta bizikletarekin egiteko ibilbideetan ere jarri dute interesa turista aunitzek.
Bisita gidatuak
Gainera, Aste Santu honetan ere bi bisita gidatu antolatu dituzte herrian barna eta guztira 22 pertsonek parte hartu dute.
Orain, turismo bulegoa eta Burdinaren Museoa itxita egongo dira, baina udako denboraldian berriro ateak irekiko dituzte eta bisita gidatuak ere eskeiniko dituzte. Informazio guztia eta datak webgunean (www.lesaka.eus), herritik barna paratuko diren karteletan eta
udaleko sare sozialetan argitaratzen joanen dira (@lesakakoudala eta @lesakaturismoa Facebook eta Instagram-en).