Ekitaldia irekia da, eta edonor joan daiteke, liburua irakurri izan edo ez. Hala ere, Berako liburutegian Arroz urez liburuaren hainbat ale paratu dituzte eskuragarri hala nahi duenak aitzinetik irakurtzeko.
Euskaraz irakurtzeko ohitura eta zaletasuna zabaltzea, herritarren euskarazko kultur kontsumoa indartzea, euskal liburugintza indartzea, liburutegi publikoen erabilera bultzatzea eta esperientzia literarioak konpartitzea da Literatura Geraldiak programaren helburua.
Baztango Udalak, Bortzirietako Euskara Mankomunitateak, Nafarroako Iparraldeko Euskara Mankomunitateak eta Sakanako Mankomunitateak antolatu dute programa.