Ezusteko garaipen handia lortu zuen larunbatean Vianan Bixente Igarzabal kirolari lesakarrak. Vianako Printzerriko duatloiaren zazpigarren edizioan parte hartu zuen, erdi distantziako formatuan Espainiako Koparako puntuagarria eta, aldi berean, Nafarroako txapelketa erabakitzen zuen proban. Beti Gazteko kirolaria hamabigarren izan zen sailkapen orokorrean, baina nafarren artean hirugarren kirolari onena izan zen eta beteranoen artean bizkorrena. Horrela, bi aldiz igo zen Igarzabal podiumera: proba honetan beterano mailako koxkarik altuenera eta Nafarroako txapelketa nagusiko hirugarren koxkara.
Kirolariek 15 kilometro lasterka, 72 kilometro bizikletan eta azken 10 kilometroa berriz ere lasterka egin behar zituzten. Bixente Igarzabalek 3 ordu, 39 minutu eta 32 segundo behar izan zituen ibilbidea osatzeko. Nafarroako txapelketa nagusian, Saltoki Trikideak taldeko Joseba del Barrio (3.22.38) eta Donibane taldeko Xabier Zarranz (3.37.51) bakarrik izan ziren bera baino bizkorragoak. Beterano mailan, aldiz, lesakarra izan zen bizkorrena.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.