Joan den urteko abenduko uholdeek kalte haundiak eragin zituzten Lesakan ere. Horien artean, Luberrondoko presaren desegitea. Presa honen funtzio nagusia, Biurrana errekako uraren zati bat Erdiko errotako kanalera bideratzea zen. Horregatik, badira aste batzuk kanala idortuta edo ia idortuta dagoela.
Egoera ikusita, teknikari adituekin harremanetan paratu da Lesakako udala, baita Nafarroako Gobernuarekin ere, irtenbide bat emateko. Udala lanean ari da, eta bertatik adierazi dutenez «espero dugu hurrengo hilabeteetan kanala berriz bere ohiko ur emariarekin ikustea».
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.