Herria hobe ezagutzea helburu duen Ezagutu dezagun Lesaka lehiaketa martxan da dagoeneko. Beti Gazte elkarteak udalaren laguntzaz antolatutako lehiaketa, oraingo honetan ere, Lehen Hezkuntzako ikasleei bideratua izanen da. 30 galdera erantzun beharko dituzte (lehen eta bigarren mailakoek 20 eta hauek 2-3 haur taldetan antolaturik erantzunen dituzte). Erantzunak aurkezteko azken eguna apirilaren 22a, ortziralea izanen da. Ez da derrigorrezkoa galdera guztiei erantzutea.
Parte-hartzaileek, orriak beteta, kultura@betigazte.net helbidera bidali edo Beti Gazte elkartearen egoitzako atean dagoen postontzian sartu beharko dituzte.