Akordeoia, kantua, konposizioa, zuzendaririk gabeko talde instrumental edota bokalak, gitarra, harpa eta hari pultsatuzko instrumentuak, arku-instrumentuak, jazza eta musika modernoa, perkusioa, tekla, haize-egurra eta haize-metala. Modalitate horietan aritu ziren gazteak lehian, bi kategoriatan banatuta: 16 eta 19 urte bitartekoak A mailan, eta 15 urtez azpikoak B mailan.
Otamendi akordeoiarekin A mailan aritu zen Gasteizen eta ederki moldatu zen. Edozein moduz, ez da hartu duen lehenbiziko saria. Lehenagotik hainbat sari hartutakoa da Arrasate Hiria Lehiaketan. 16 urte ditu eta Irungo Udal Kontserbatorioan akordeoiko hirugarren maila egiten ari da.