Igantziko Baratzondo jubilatu elkarteak ongi betea du agenda. Ortzirale Santu egunean, apirilaren 15ean afaria izanen dute. Izena emateko azken eguna apirilaren 1a izanen dute, 24 euro ordainduta. Afalondoren mus eta partxis txapelketa azkarra izanen dituzte, beti ere parte hartzeko guttienez lau bikote elkartzen badira.
Apirilaren 30ean Lizarra inguruak bisitatzera
Apirilaren 30ean, berriz, Lizarra aldera ateraldia eginen dute. 08:00etan abiatuko dira eta ailegatzean ongietorriko hamaiketakoa eskainiko diete. Iratxe upeltegia ezagutuko dute eta bertan eginen dute otordua. Bazkalondoren dantzaldia eta bingoan jokatuko dute.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!