Alde positibotik begira, partida ia guztietan konpetitu egin dute lesakarrek, baina koxka bat falta izan zaie puntu gehiago lortzeko. Lau jubenilek debuta egin dute talde nagusiarekin hirugarren mailan eta zaleen babesa izan dute beti. Azken partidetan ere behar beharrezkoa izanen dute babes hori, mailaz igotzeko lehian bisitari izanen baitira Mastegin kategoriako oilarrak: Alaves B, Portugalete eta denboraldia Beti Gazterekin hasi zuen Urki Txoperena lesakarra fitxatu duen Barakaldo. Hirugarren mailari agur errateko hiru partida zail bezain ikusgarri.
Beti Gazteko futbol talde nagusiak maila galdu du, bortz partidaren faltan
Matematikek ez dute hutsik egiten eta aurten historian lehen aldiz hirugarren mailan lehiatu den Beti Gazteko talde nagusiak kategoria hori galdu eta Gipuzkoako Ohorezko mailan jokatuko du heldu den urtean. Erronka zaila zuen hasieratik, sei taldek galduko baitute aurten maila eta denboraldian izandako gorabeherek (lesioak, fitxaketak, etab…) ezinezkoa bihurtu dute helburu zail hori. Larunbatean Beasainen 3-1 galdu ondotik, bortz partidaren faltan hamasei puntura dute lesakarrek maila mantentzeko aukera ematen duen hamalaugarren postua, beraz, ezinezkoa da.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun