Gaur 20:00ak arte eman daiteke izena zozketan parte hartzeko eta 8 euro ordaindu beharko dute saridunek, autobusaren eta sarreraren truke.
Lesakako Beti Gazte futbol talde nagusiak martxoaren 26an, larunbatean 16:30ean jokatuko du hirugarren mailako partida Beasainen kontra, Beasaingo Loinaz futbol zelaian. Beti Gazte elkarteak bazkideetako batzuk jokalariekin batera autobusean partida ikustera joateko aukera eman du. Zozketa bidez aukeratuko dituzte adinez nagusi diren bazkideak eta hauek 8 euro ordaindu beharko dituzte, autobusaren eta sarreraren truke.