Frontoiko jokoak Nafarroako gizartean duen nortasunaren garrantzia nabarmentzen du dokumentalak. Nafarroako hainbat herritako 20 pertsonaren testigantzak jasotzen ditu, eta horietako bortz dira Bortzirietakoak.
2021ean, txapelketa horretan parte hartzen duten herritarrekin egin zuten dokumentala, eta bertan jaso zituzten herritarren bizipenak; nola egiten den txapelketa, zer suposatzen duen herriarentzat, eta parte-hartzaileentzat, haren esanahi soziokulturala....
Beran, dokumentalaren emanaldiaz gain, solasaldia ere izango dute Aitor Ortizekin. Ortizek frontoiko pilota-jokoaren jatorria, esku pilotak ohituratik esparru profesionalera egindako jauzia, eta pilotaren identitatea eta ondare inmateriala landuko ditu solasaldian. Ondotik, mahai ingurua izango da bertaratzen diren herritarrekin.