Deialdian parte hartzeko eskabideak Berako kiroldegian astelehenetik ortziralera 09:00etatik 13:00etara, edota info@sastrakokirola.eus helbidera bidali beharko dituzte martxoaren 24ko 13:00ak baino lehen. Eskaerak jasota, martxoaren 28ko astean izanen dute proba teorikoa aukeratutako izangaiek, eta ondotik eginen dute merezimenduen kalifikazioa eta elkarrizketa pertsonala.
Asteburuetako atezainaren postuaren kasuan, aukeratutako izangaia apirilaren 2an hasi beharko litzateke lanean, eta lan poltsaren kasuan, etorkizunean sor daitezkeen beharrak betetzeko erabiliko da zerrenda.
Informazio gehiago, eta aurkeztu beharreko eranskinak Berako Udalaren webgunean daude eskuragai.