Lesakan ere zenbait ekitaldi antolatu du Xulufrinak Lesakako Sare Feministak Emakumearen Nazioarteko Egunaren harira. Martxoaren 8an, asteartean 18:00etan berendua izanen dute, txokolatea eta dinamika jokuak, 19:30ean musika eta 20:00etan elkarretaratzea Lesaka loratuz, gora borroka feminista lelopean.
Martxoaren 11n, ortziralean 19:30ean Koxkillatik abiatuta bertso-poteoa eginen dute eta 21:00etan emakume* afaria Kasinon. Txartelak martxoaren 8ra arte okindegian eskura daitezke. Prezioa 25 euro, langabetu/ikasleek 15 euro.