09:15ean goiz deia eginen dute Altzateko plazatik abiatuta. Ondotik, 10:00etan Euskal Herriko Txistu Elkartearen batzarra eginen dute. Batzarra bukatuta, txistuak hartuta Josu Goia zenaren etxera joanen dira, eta Ai, hori begi ederra abestia interpretatuko dute 12:30ean bere etxeko atarian.
13:00etan kontzertua eskainiko dute Herriko Etxeko plazan Gure Txokoa Dantza Taldeko kideeekin batera eta ondotik, 14:30ean bazkaria izanen dute Zubiondo jatetxean.
Martxoaren 5ekoa ez da txistulariek Beran eskainiko duten emanaldi bakarra izanen. Martxoaren 9an, asteazkena, 17:00etan Donostiako Udalaren Txistulari Taldeak emanaldia eskainiko du Kultur Etxean musika eskolako txistularien, eta Gure Txokoa Dantza Taldeko dantzarien laguntzarekin.