Eguberrietako oporrak hartu aitzinetik, ohiko hitzordua izaten da Arantzako eskolako ikasleen antzerki saioa. Ikasturte honetan, ordea, ezin izan zuten betiko garaian egin. Baina prestaketei eutsi diete, eta hala, ortzegun honetan, otsailaren 17an, egin dute hitzordua.
Hiru antzezlan eginen dituzte: Haur Hezkuntzakoek Otsoak eta antxumeak eginen dute eta Lehen Hezkuntzako lehenbiziko eta bigarren mailako ikasleek Udaberria badator lana. Ez dute aitzindu zein izanen den kozkorrenen antzerkia, «sorpresa» izanen delako.
Antzerki emanaldia 15:30ean hasiko da, eskolako gimnasioan. Eskolak adierazi duenez, maskara janztea nahitaezkoa izanen da.