Urtero bezala Arbolaren Eguna ospatuko dute Igantziko eskolan. Aurten otsailaren 10ean, ortzegun goizean dute hitzordua eta nahi eta ahal duten gurasoei ere gonbidapena egin diete.
Eskolatik ikasleak ortzegunean 10:00etan abiatuko dira, Haur Hezkuntzakoak kotxez eta gainerakoak oinez. Guraso Elkarteak hamaiketakoa eramanen du eta lanean hasi baino lehen hartuko dute. Gero lanean hasi eta bukaeran eskolara bueltatu eta beti bezala, 14:00etan bukatuko dute. Eraman beharreko materiala aitzurra eta mendian ibiltzeko oinetako egokiak izanen da.