Apirilaren 10ean eginen den Berako Mendi Maratoi Erdian izena emateko epea martxoaren 1ean irekiko da, asteartean 15:00etatik aurrera, www.pb-organisation.com webgunean. Manttale Mendi Lasterketa talde antolatzaileak jakinarazi duenez, 2019an lasterketa egin zen azken aldian bezala, 525 dortsal egonen dira eskuragarri. Dortsalak agortzen ez badira, izen-ematea apirilaren 7an itxiko da.
Izen-ematearen prezioa 28 eurokoa izanen da korrikalari federatuentzat eta 32 euro federatu gabeentzat. Izena eman ahal izateko ez da beharrezkoa izanen aldez aurretik www.pb-organisation.com webgunean erregistratua egotea. Izena emandakoan ez da ordaindutakoa itzuliko, baina titularitatea apirilaren 7ra arte aldatu ahal izanen da, lasterketa aitzineko ortzegunera arte.
Aurten, Berako Mendi Maratoi Erdia Nafarroako Mendi Lasterketen Banakako Txapelketaren parte izanen da. Nafarroako Mendi Federazioaren lizentzia duten korrikalari guztiek titulua eskuratzeko aukera izanen dute.