Garbitze lanetan 19.500 euroko inbertsioa egin dute eta, bi zati horietan, adar eroriak eta sastrakak kendu, erortzeko arriskua zuten arbolak bota eta uraren bidean denborarekin eginak ziren tapoiak garbitu dituzte. Gisa horretara, ibilguak hustu eta sekzio hidrauliko handiagoa lortu dute, betiere, uholde kasuetan gainezka egiteko arriskua murrizteko helburuarekin.
Nazetako presa inguruan ere kendu dituzte eroritako arbolak
Garbiketa lan hauek 9.600 euro gosta dira. Arbolak kimatu, sasiak garbitu, ibilguaren gainean eroritako zuhaitzak eta landare-hondakinak kendu eta zuhaitz lehorrak edo erortzeko arriskua zutenak moztu dituzte.