Lesakako Beti Gazte futbol talde nagusiak urtarrilaren 23an, igandean 17:00etan jokatuko du hirugarren mailako partida Leioa taldearen kontra, Leioako (Bizkaia) Matiena zelaian. Beti Gazte elkarteak bazkideetako batzuk jokalariekin batera autobusean partida ikustera joateko aukera eman du. Zozketa bidez aukeratuko dituzte adinez nagusi diren bazkideak eta hauek 8 euro ordaindu beharko dituzte, autobusaren eta sarreraren truke.
Parte-hartzeko ‘LEIOA – IZEN ABIZENAK’ mezua bidali behar dute Beti Gazte elkartearen WhatsApp zenbakira (696 80 98 86). Zozketa ortziralean, urtarrilak 21, eginen dute eta azken izen-emateak ortziraleko 14:00 arte onartuko dituzte. Zozketa egin ondotik emanen dituzte xehetasun gehiago.