Joseba Irazoki eta Lagunak taldearen kontzertua izanen da larunbatean Beran

Joseba Irazokik, Jaime Nietok, Ibai Gogortzak eta Felix Buffek osatzen dute taldea.

Hirugarren diskoa aurkeztuko du Joseba Irazoki eta Lagunak talde beratarrak larunbatean Berako Kultur Etxean. 19:00etan hasiko da kontzertua, eta sarrera aitzinetik eskuragarri daude Agara prentsa dendan zazpi eurotan. 

 Joseba Irazoki gitarrista eta abeslariak, Ibai Gogortza gitarra jotzaileak, Jaime Nieto baxu jotzaileak eta Felix Buff bateria jotzaileak osatzen dute Joseba Irazoki eta Lagunak taldea. JIEL akronimoarekin aurkeztu dute taldea, eta III izenburu soila jarri diote lanari. Hiru eta bortz minutu arteko bederatzi abestik osatzen dute diskoa, eta aitzinekoek  baino soinu esperimentalagoa du. 

 

 

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun