Tuterako hilketa matxista salatu dute Beran

Goldatz talde feministak deituta, Tuterako hilketa matxista salatzeko elkarretaratzea egin zuten atzo Berako Mukixu zubian. 'Indarkeria matxistarik gabeko bizitzak orain' lelopean dozena bat lagun bildu ziren. 

Astelehen goizean 38 urteko Sara Pina Ieregiren gorpua aurkitu zuten Tuteran. Hipotesi nagusiaren arabera, senarrak nabalaz hil zuen eta haren bila ibili ondotik, astearte arratsaldean atzeman zuten jendarmeek, Bordeletik 65 kilometro iparraldera. Geroztik preso dago. Hori izan da aurten Euskal Herrian indarkeria matxistak erail duen lehenbiziko emakumea.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun