Lesakako Beti Gazte futbol talde nagusiak urtarrilaren 15ean, larunbatean 16:30ean jokatuko du hirugarren mailako partida Anaitasuna taldearen kontra, Azkoitiko (Gipuzkoa) Txerloia zelaian. Beti Gazte elkarteak bazkideetako batzuk jokalariekin batera autobusean partida ikustera joateko aukera eman du. Zozketa bidez aukeratuko dituzte adinez nagusi diren bazkideak eta hauek 8 euro ordaindu beharko dituzte, autobusaren eta sarreraren truke.
Parte-hartzeko ‘AZKOITIA – IZEN ABIZENAK’ mezua bidali behar dute Beti Gazte elkartearen WhatsApp zenbakira (696 80 98 86). Zozketa gaur eginen dute eta azken izen-emateak 20:00 arte onartuko dituzte. Zozketa egin ondotik emanen dituzte xehetasun gehiago.