Herbehereetara joan ahal izateko hainbat ekintza ere egiten ari ziren, zenbait produkturen salmenta, telebista saioetan parte-hartzea, etab… Mundukoa bertan behera utzita, orain Euskal Herriko txapelketan buru-belarri segituko dute lesakarrek. Joan den larunbatean 680 kiloko txapela irabazi zuten mutilek. Kasu honetan, Amaiurko taldea ere lehian ari da.
Euskal Herriko txapelketan buru-belarri segituko du Beti Gaztek, Amaiurrek bezalaxe
Osasun egoerak zalantzaz betea segitzen duela eta martxo hasieran Herbehereetako Doetinchem hirian jokatzekoa zen munduko goma gaineko sokatira txapelketa bertan behera uztea erabaki du TWIFek (Tug Of War International Federation), nazioarteko sokatira federazioak, alegia. Bertan parte hartzekotan ziren Lesakako Beti Gazteko neska-mutilak eta espero zitekeen erabakia izan arren, penaz hartu dute. Oraindik ez dakite aitzinerago jokatzerik izanen den eta apirilean bertze bilera bat egitekoa du TWIFek.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun