Zer informazio hartuko dute beratarrek larrialdi maila bakoitza aktibatzen denean?
Udalak honako informazio hau emanen die herritarrei, testu-mezuen bidez eta udalak sare sozialetan dituen kanal ofizialen bidez.
- 0 larrialdia: Bidasoa eta Ezkurra ibaien goi-ibarrean ur emari-igoera handiak erregistratu dira. Kontuz ibili Bidasoaren ertzetan, Beran. Adi egon argibideei datozen orduetan.
- 1 larrialdia: Ibaiaren ur-goraldi handia, ubidetik hurbil dauden behealdeetan gainezka egin dezakeena. Ubidetik hurbil dauden eremuetan gainezka egitea eta NA-8304 errepidea moztea aurreikusten da. Adi egon argibideei datozen orduetan.
- 2 larrialdia: Bidasoa ibaiaren edo Zia errekaren goraldi handia ikusi da goiko aldean. Datozen orduetan gainezka egitea aurreikusten da. Aurreikuspenen arabera, Beran ibai-ertzetako eremu zabalak urpean geldituko dira, eta datozen orduetan errepideetako eta karriketako trafikoari eragin diezaioke. Uholde-arriskua EDAR-en eta industrialdean.
- 3 larrialdia: –Larriena–. Datozen orduetan gainezka egitea aurreikusten da. Uholdeak herriguneko, poligonoko eta NA-8304 errepide bazterretako eremu zabalei eraginen die. Uholde arriskua Sara, Biriatu, Azkaine, Lapurdi eta Bortziriak karriken inguruetan. Saihestu beharrezkoak ez diren joan-etorriak.