Mankomunitatearen zerbitzuei buruzko informazioa ere sartu dute egutegian: edukiontzi bakoitzera zer bota behar den, atez ateko traste handiko bilketa-zerbitzuaren telefono zenbakia, garbigunera zer eramaten ahal den... Baratze, ilargi eta egutegi bioklimatikoari buruzko informazioa sartu dute, eta gainera, berrikuntza gisa, ohar espezifiko bat sartu dute garbigunea irekiko duten larunbat guztietan —orokorrean hilabeteko azken larunbatean—.
Azken egunetan Bortzirietako etxebizitza guztietan egutegia postontzietan banatu dute. Inork hartu ez badu, Mankomunitateak Etxalarren dituen bulegoetara joaten ahal da biltzera edo Alkaiagan dagoen garbigunera, 12:00etatik 15:00etara. Mankomunitatearekin telefonoz ere harremanetan jartzen ahal da 948 63 52 24 telefonora deituta.
Bortzirietako Mankomunitatetik eskerrak eman nahi dizkiete Rosa Mari Errandonea, Oskar Txoperena eta Aitziber Abasolori 2022ko egutegirako argazkiak utzi dizkietelako, eta baita aitzineko urteetako egutegietarako argazkiak utzi dizkieten guztiei ere.