‘Isilik daude harriak’ diskoa aurkeztuko du Estitxuk urtarrilaren 9an Lesakan

Estitxu abeslari beratarraren bigarren diskoko kantuak entzungai izanen dira.

Abeslari beratarraren emanaldia igandean 18:30ean hasiko da Harriondoa kultur etxean.

Estitxu musikari beratarrak, Isilik daude harriak bere bigarren lana aurkeztuko du urtarrilaren 9an, igandean 18:30ean Lesakako Harriondoa kultur etxean. Sarrerak dagoeneko salgai daude eta udalaren webgunetik ere eros daitezke, 6 eurotan.

Disko berri hau dokumentazio eta ikerketa lan handiaren emaitza da. Izan ere, arrazoi politiko, sozial, erlijioso edo moralengatik XX. mendean zentsuratuak izan diren hainbat abesti jaso eta moldatu ditu Mikel Santxez lesakarraren laguntzarekin batera. Horretaz gain, bidelagun izan duten Harkaitz Cano idazleak eman die distira, kantu horien euskarazko itzulpenak eginez.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun