Lesakako Beti Gazte futbol talde nagusiak azaroaren 27an jokatzekoa zuen hirugarren mailako partida Alavés B taldearen kontra Gasteizko Ibaian (Araban). Taldea joan zen Gasteizera, baina bertan behera utzi behar izan zuten partida elurragatik. Gibelatutako partida hura abenduaren 15ean, asteazkenean 18:00etan jokatuko dute. Beti Gazte elkarteak bazkideetako batzuk jokalariekin batera autobusean partida ikustera joateko aukera eman du. Zozketa bidez aukeratuko dituzte adinez nagusi diren bazkideak eta hauek 8 euro ordaindu beharko dituzte, autobusaren eta sarreraren truke.
Parte-hartzeko ‘GASTEIZ– IZEN ABIZENAK’ mezua bidali behar dute Beti Gazte elkartearen WhatsApp zenbakira (696 80 98 86). Zozketa gaur eginen dute eta azken izen-emateak 18:00 arte onartuko dituzte. Zozketa egin ondotik emanen dituzte xehetasun gehiago.