Urriaren 20an bukatu ziren Labiaga ikastolako Eztegarako ikastetxeko patioan estalkia eraikitzeko lanak. 200 metro koadroko azalera estali da, biltegi eta komun baterako espazioak dituena. Mugara Arkitektoak estudioko Ander Rodriguez Korta beratarrak egin du diseinua.
Abenduaren 2an, Euskararen Nazioarteko Egunaren bezperan, ekitaldi batzuk antolatu ditu Labiaga ikastolak patioan estalpe berria aurkezteko. Arratsaldean ikasleen emanaldiak izanen dituzte eta 18:00etan Pottoka kantari baztandarraren kontzertua.