Etxebizitzak zaharberritzeko laguntzei buruz gehiago jakiteko bilera informatiboa eginen dute azaroaren 26an Lesakan

Ttipi-Ttapa 2021ko aza. 24a, 18:00
Nasuvinsako teknikariak, irailean Lesakako zenbait bizilagunekin egindako bileran.

Lesakako udalak eta Nasuvinsak sinatutako hitzarmenaren ondotik, bulego horretako teknikari bat etortzen da asteartero Herriko Etxera.

Nafarroako Gobernuak eta  Lesakako Udalak etxebizitzak zaharberritzeko hitzarmena sinatu dute. Nasuvinsak Donezteben kudeatzen duen Etxebizitzak eta Eraikinak Zaharberritzeko Bulegoak eta Lesakako Udalak dagoeneko lankidetza abian jarri dute. Asteartero Nasuvinsako teknikari bat etorri da Lesakako Herriko Etxera, gai honi lotutako informazioa eta arreta zerbitzua ematera. Hitzordua hartu ahal izateko udal bulegora deitu behar da, 948 637 005 telefonora.

Gai honen nondik norakoak jakin nahi dutenekin azaroaren 26an, ortziralean 18:00etan Lesakako Herriko Etxeko pleno aretoan bilera informatiboa eginen dute.

Dirulaguntzari buruzko informazioa gehiago, hemen

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun