Ortzegunera arte eman daiteke izena zozketan parte hartzeko eta 8 euro ordaindu beharko dute saridunek, autobusaren eta sarreraren truke.
Lesakako Beti Gazte futbol talde nagusiak azaroaren 28an, igandean, 12:00etan jokatuko du hirugarren mailako partida Alaves B liderraren kontra Gasteizen. Beti Gazte elkarteak bazkideetako batzuk jokalariekin batera autobusean partida ikustera joateko aukera eman du. Zozketa bidez aukeratuko dituzte adinez nagusi diren bazkideak eta hauek 8 euro ordaindu beharko dituzte, autobusaren eta sarreraren truke.
Parte-hartzeko ‘GASTEIZ – IZEN ABIZENAK’ mezua bidali behar dute Beti Gazte elkartearen WhatsApp zenbakira (696 80 98 86). Zozketa ortzegunean eginen dute eta azken izen-emateak ortzeguneko 20:00 arte onartuko dituzte. Zozketa egin ondotik emanen dituzte xehetasun gehiago.