Azokaren helburua da garbigunea ez izatea hondakinak biltzeko gune bat soilik, erabiltzen ez diren edo behar ez diren gauzak trukatzeko leku bat baizik. Hartara, berrerabilpenaren ideia indartu nahi dute, egoera onean dauden gauzak berrerabiliz eta, bidenabar, hondakinak sortzea eta horiek kudeatzeak sortzen dituen kostuak ekidinez.
Arrakasta ikusita, aste osoan zehar Alkaiagako Garbiguneko ordutegian bigarren eskuko objektuak erostera joan ahal izanen da ordutegi honetan:
- Astelehenetik ortziralera 12: 00etatik 15:00etara
- Azaroak 27, larunbata, 9: 00etatik 13:00etara
Etorkizunean berriz egiteko asmoa dutela nabarmendu du Mankomunitatetik.