Feria eguna azaroaren 25ean dela probestuz, hainbat ekitaldi antolatu ditu Bortzirietako Ernaik Lesakan:
- 10:00etan gazte gosaria izanen da plazan. Txartelak salgai daude Arrano eta Koxkillan bortz euroren truke.
- 12:00etan protesta ibiltaria abiatuko da plazatik «Libre izan nahi dugu, ez ausart» lemapean, Lesakako Mugimendu Feministak deitua.
- 13:00etan elkarretaratzea eginen dute frontoi gibeleko aparkalekuan «Etxerako bidean... gazteok zuekin!» lemapean, Lesakako Elkartasun Taldeak deitua.
- 20:30ean Distopia elektrotxaranga herriko plazatik abiatuko da.
Ekitaldi hauetara eta bereziki protestara eta elkarretaratzera agertzeko deia egin dute gazteek.